५ मंसिर, एजेन्सी ।
उत्तर कोरियाले हालैका दिनमा लगातार क्षेप्यास्त्र परीक्षण गरिरहेपछि अमेरिकाले आफ्ना बमवर्षक र लडाकू विमानहरू कोरियाली प्रायद्वीपमा पठाएको छ । बी–१बी बमवर्षक विमानहरूले शनिवार दक्षिण कोरियाली तथा अन्य अमेरिकी युद्धविमानहरूसँग मिलेर संयुक्त हवाई अभ्यास गरेको दक्षिण कोरियाको जोइन्ट चीफ्स अफ स्टाफले जनाएको छ ।
दक्षिण कोरियालाई अमेरिकाले सुरक्षाका लागि दह्रो प्रतिबद्धता व्यक्त गर्न यो अभ्यास भएको उसको भनाइ छ । यसले साझेदारहरूको संयुक्त प्रतिरक्षालाई पनि देखाएको उसले बताएको छ । उत्तरले शुक्रवार आणविक वारहेड समेत बोक्न सक्ने अन्तर्महादेशीय ब्यालिस्टिक क्षेप्यास्त्रको परीक्षण गरेपछि अमेरिकाले यो कदम चालेको हो ।
उक्त क्षेप्यास्त्र अमेरिकी मुख्यभूमिको कुनै पनि भागमा पुग्न सक्छ । उक्त क्षेप्यास्त्र परीक्षणमा उत्तरका सर्वोच्च नेता किम जोङ उनले आफ्नी छोरीलाई पनि लगेका थिए । पहिलोपटक उनले आफ्नी छोरीलाई संसारसामु सार्वजनिक गरेका हुन् । अमेरिकाले तेर्स्याउने सैन्य जोखिमलाई यस क्षेप्यास्त्रले निस्तेज पार्ने यो भरपर्दो र अधिकतम क्षमतासहितको भएको उनको भनाइ छ ।
अमेरिकाले दक्षिण कोरियासँग संयुक्त सैन्य अभ्यास गरेपछि लगातार क्षेप्यास्त्र प्रक्षेपण गरेको छ । त्यही क्रममा पछिल्लो समय अमेरिकी भूमिसम्म मार हान्न सक्ने अन्तर्महादेशीय ब्यालिस्टिक क्षेप्यास्त्रको परीक्षण गरेपछि अमेरिकाले कोरियाली प्रायद्वीपमा वमवर्षक विमान पठाएको हो । अमेरिकाको यो कमदको उत्तरको त्यही रुपमा जवाफ फर्काउन् सक्ने सैन्य विश्लेषकहरुलाई उदृत गर्दै अन्तराष्ट्रिय संचारमाध्यामहरुले उल्लेख गरेका छन् ।
