८ वैशाख, एजेन्सी ।
अमेरिकी डलर अर्बपति एलन मस्कको कम्पनी स्पेस एक्सले बनाएको रकेट परीक्षण उडानको क्रममा विष्फोट भएको छ । हालसम्मको सबैभन्दा शक्तिशाली भनिएको स्टारशिप रकेट टेक्ससको परीक्षण केन्द्रबाट उडेको केही मिनेटमै आकाशमै विष्फोट भएको हो ।
यो यान अन्तरीक्ष यात्रीहरुलाई चन्द्रमा, मंगल ग्रह र अरु यस्तै प्रकारका लामो अन्तरीक्ष अभियानमा लैजाने उद्देश्यले बनाइएको थियो । एलन मस्कको यो महात्वाकांक्षी परियोजना थियो । उडेको तीन मिनेटपछि नै स्टारशिप रकेटको क्याप्सुलको फस्ट स्टेज रकेट बुस्टरबाट अलग हुनुपर्नेमा भएको थिएन ।
त्यसपछि रकेट बिस्फोट भएर परीक्षण उडान असफल भयो । विश्वको अग्रणी अन्तरिक्ष अन्वेषण कम्पनी स्पेसएक्सको स्टारशिप रकेटले बिहीबार आफ्नो पहिलो परीक्षण उडान गरेको थियो । तर, प्रक्षेपण लगत्तै विस्फोट भयो। विश्वको सबैभन्दा शक्तिशाली रकेटले टेक्सासको बोका चिकाबाट साँझ ७ बजे उडान भरेको थियो ।
यो Starship को पहिलो परिक्रमा परीक्षण थियो। यसअघि १७ अप्रिलमा पनि लन्च गर्ने प्रयास भएको थियो । यसपछि प्रेशर भल्भ जमेका कारण रोकिनुपरेको थियो । यस विषयमा स्पेसएक्सले आज आफूहरुले धेरै कुरा सिकेको बताएको छ । स्पेसएक्सले भनेकोछ , यसले हामीलाई थप सफलता दिनेछ।
आजको परीक्षणले हामीलाई Starshipको विश्वसनीयता सुधार गर्न मद्दत गर्नेछ। कम्पनीका मालिक मस्कले टोलीलाई बधाई दिएका छन् । उनले केही महिनामा अर्को परीक्षण प्रक्षेपणबाट धेरै कुरा सिकेको बताएका छन् । स्पेसएक्सको स्टारशिप स्पेसक्राफ्ट र सुपर हेभी रकेटलाई सामूहिक रूपमा स्टारशिप नाम दिइएको छ।
स्टारशिप एक पुनः प्रयोज्य अन्तरिक्ष यान हो जुन चालक दल र कार्गो दुबैलाई पृथ्वीको कक्ष, चन्द्रमा, मंगल ग्रह र बाहिर लैजानको लागि डिजाइन गरिएको हो। यो संसारले अहिलेसम्म बनाएको सबैभन्दा शक्तिशाली प्रक्षेपण वाहन हुनेछ। रकेटको उचाइ १२० मिटर र व्यास ९ मिटर छ, जबकि यसको पेलोड क्षमता १०० देखि १५० टन छ।
