२२ भदौ, एजेन्सी ।
एसिया कप २०२३ को सुपर–४ अन्तर्गत सेप्टेम्बर १० मा आइतबार भारत र पाकिस्तान आमनेसामने हुनेछन् । अघिल्लो पटकको लडाई अधुरो रह्यो तर यसपटक भने यो हुने छैन् । यसका लागि उचित तयारी गरिएको छ । वास्तवमा एसिया कपको भारत–पाकिस्तान सुपर फोर खेलमा रिजर्भ डे थपिएको छ । अर्थात् आइतबार खेल हुन नसके भोलिपल्ट पूरा हुनेछ ।
यसरी, फाइनल बाहेक, यो एक मात्र खेल हो जसमा रिजर्भ डे राखिएको छ। एसियाली क्रिकेट काउन्सिल (एसीसी) ले यसबारे कुनै आधिकारिक घोषणा गरेको छैन।तर क्रिकइन्फोको रिपोर्ट अनुसार दुवै खेलको लागि रिभर्स डे प्रस्ताव गरिएको छ। खेल प्रारम्भिक दिनमा सम्पन्न गर्न हरसम्भव प्रयास गरिनेछ।
एसिया कपमा पहिलो पटक दुवै टोली आमनेसामने हुँदा पल्लेकेलेमा वर्षाका कारण खेल रद्द भएको थियो । यसपछि सोही मैदानमा नेपाल र भारतको पहिलो अन्तर्राष्ट्रिय खेलमा पानी परेको थियो त्यस दिन २३ ओभरमा झारिएको खेल भारतले जित हात पार्याे । नेपालसँगको डीएलएस जितका आधारमा भारत सुपर फोरमा छनोट भएको हो ।
आयोजक पीसीबीले यो हप्ता पनि कोलम्बोमा वर्षाको पूर्वानुमानका कारण खेलहरू हम्बनटोटामा सार्ने योजना बनाएको थियो तर एसीसीले बोर्डलाई इमेल पठायो र खेलहरू कोलम्बोमा निर्धारित समय अनुसार खेलाइने बताएको थियो। आइतबार हुने भारत र पाकिस्तानबीचको खेल पनि वर्षाको खतरामा रहेको र ९० प्रतिशत पानी पर्ने सम्भावना रहेको छ ।
