२४ भदौ, एजेन्सी ।
भारतमा आयोजित जी २० सम्मेलनले सर्वसम्मत घोषणा पत्र जारी गरेकोमा सर्वत्र प्रशंसा भईरहेको अवस्थामा युक्रेनले भने यो घोषणापत्रमा आपत्ति जनाएको छ । जीको जारी घोषणापत्रमा युक्रेन युद्धको लागि रुसको निन्दा नगरिएपछि युक्रेन रुष्ट बनेको छ । यद्यपि घोषणापत्रमा एकै साथ सबै देशहरूले भूभाग कब्जा गर्न बल प्रयोग नगर्न अपील गरेका छन् ।
यदि युक्रेनलाई विश्वास गर्ने हो भने, कसैले पनि यो घोषणापत्रमा गर्व गर्नुपर्दैन। युक्रेनको विदेश मन्त्रालयका प्रवक्ता ओलेग निकोलेन्कोले भनेका छन् , घोषणामा “गर्व गर्न लायक केही छैन“। युक्रेनको उपस्थितिले सदस्यहरूलाई अवस्थाको बारेमा राम्रोसँग बुझ्न सजिलो हुन्थ्यो । घोषणा पत्रमा युद्धमा रुसको नाम पनि नपरेको भन्दै परराष्ट्र मन्त्रालय आक्रोशित बनेको छ ।
रुसले फेब्रुअरी २०२२ मा युक्रेनमा आक्रमण ग¥यो र त्यसयता धेरै पश्चिमी देशहरू युक्रेनको समर्थनमा उभिएका छन्। यस्तो अवस्थामा रुसको निन्दा नहुँदा युक्रेन समस्यामा परेको छ । यसअघिका हरेक अन्तराष्ट्रिय फोरमहरुमा अमेरिका र पश्चिमाको दबाबमा रुसको कदमविरुद्ध निन्दा गरिदै आएको थियो भने युक्रेनी राष्ट्रपति जेलेन्स्कीलाई पनि प्रत्यक्ष वा भर्चुअलका माध्यामबाट सहभागि गराईदै आइएको थियो ।
तर यसपटक भारत न पश्चिमाको दबाबमा आएको छ नत जेलेन्स्कीलाई नै सहभागि गराएको छ । भारतले राष्ट्रपति भोलोडिमिर जेलेन्स्कीलाई निमन्त्रणा नगरेकोमा पनि युक्रेनी विदेश मन्त्रालय आक्रोशित छ। यसअघि युक्रेनलाई हरेक सम्मेलनमा आमन्त्रित गरिएको थियो। यद्यपी युक्रेनको विदेश मन्त्रालयले आफ्नो ठाउँमा जिम्मेवारी लिएकोमा मित्र राष्ट्रहरुलाई धन्यवाद दिएको छ ।
फ्रान्सलगायत युरोपका केही देशले जी २० सम्मेलनको घोषणापत्रमा आपत्ति जनाएका थिए । तर जर्मनीका चान्सलर ओलाफ स्कोल्जले यसलाई समर्थन गरे। उनले यो घोषणाले युक्रेनमा रुसको आक्रमणबारे स्पष्ट अडान देखाएको बताए। हिंसाले देशको भौगोलिक अखण्डतामाथि प्रश्न उठाउन सकिँदैन भन्ने स्पष्ट छ । सेप्टेम्बर ९ शनिबार सम्मेलनको पहिलो दिन थियो ।
जहाँ भारतीय प्रधानमन्त्री नरेन्द्र मोदीले शिखर सम्मेलनको पहिलो दिन नेताहरूले घोषणा पत्रलाई अनुमोदन गरेको सबै सदस्यहरूलाई घोषणा गरे।का थिए । मोदीले अमेरिकी राष्ट्रपति जो बाइडेन र सबै सदस्य देशका प्रमुख नेताहरूका अगाडि भनेका छन्, ’सबै टोलीको कडा परिश्रमको आधारमा हामीले जी २० नेताहरूको शिखर सम्मेलन घोषणामा सहमति प्राप्त गरेका छौं। म यो घोषणालाई विश्वभरि अपनाइने घोषणा गर्दछु।
