१० मंसिर,एजेन्सी ।
आइटाना लोपेज आर्टिफिसियल इन्टेलिजेन्स (एआई) द्वारा निर्मित स्पेनकी पहिलो मोडेल हुन्। उनी एक वास्तविक व्यक्ति जस्तो देखिन्छिन्। उनलाई सिर्जिना गर्ने एजेन्सी द क्लुलेसका एक अज्ञात, तर प्रसिद्ध ल्याटिन अमेरिकी अभिनेताले एकपटक उनलाई सोध्नको लागि टेक्स्ट पठाए, यो थाहा पाउँदा पाउँदै कि उनी वास्तविक रुपमा अवस्थित छैनन्।
द क्लुलेसको स्थापना गर्ने आइटानाका डिजाइनर रुबेन क्रुजले युरोन्युजसँग कुरा गर्दै भर्चुअल महिलाको विकास गर्न कम्पनीलाई बाध्य पार्ने परिस्थितिबारे खुलाएका छन् । ‘हामीसँग धेरै ग्राहकहरू नभएकोले हामी नराम्रो परिस्थितिबाट गुज्रिरहेका थियौँ। त्यसकारण हामीले कसरी काम गरिरहेका छौँ भनेर विश्लेषण गर्न थाल्यौं र हाम्रो नियन्त्रणभन्दा बाहिरका समस्याहरूको कारण धेरै परियोजनाहरू रद्द भइरहेको महसुस भयो।
अक्सर यो प्रभावशाली व्यक्ति वा मोडेलको गल्ती थियो न कि डिजाइनसम्बनधी समस्याहरूको कारण,’ क्रुजले युरोन्युजसँग भनेका छन् । त्यसकारण एजेन्सीले आफ्नो स्वयंका प्रभावशाली व्यक्तिलाई ती ब्रान्डका लागि मोडलको रुपमा उपयोग गर्ने निर्णय ग¥यो, जो उनीहरुको सम्पर्कमा थिए।
यसरी आइटानाको ‘जन्म’ भयो। प्रत्येक दिन, आइटानालाई एक टोलीले जीवित बनाउँछ, जसले एक हप्तामा उनले ‘के गर्ने’ भन्ने निर्णय गर्छ। साथै, कुन ठाउँमा उनले ‘भ्रमण गर्नेछिन्’ र कुन फोटोहरू उनको इन्स्टाग्राम पृष्ठमा अपलोड गर्ने भन्ने निर्णय पनि त्यही टोलीले गर्छ।
इन्स्टाग्राममा उनलाई १ लाख २१ हजारभन्दा बढी प्रयोगकर्ताले पछ्याउँछन् र यसरी पछ्याउनेको संख्या दिनप्रतिदिन बढ्दै गइरहेको छ। डिजाइन विशेषज्ञहरुले फोटोशपको माध्यमबाट विभिन्न स्थानहरुमा मोडेलललाई सुपरइम्पोज गर्छन्। अर्कोतर्फ एआई प्रयोग गरेर तस्बिरहरु विकास गरिन्छ।
क्रुजका अनुसार उनी राजधानी मड्रिड पछिको स्पेनको दोस्रो ठूलो सहर बार्सिलोनाकी २५ वर्षीया ‘उत्साही’ महिला हुन्। गुलाबी कपाल भएकी आइटानालाई एक फिटनेस उत्साही, दृढ, र ‘जटिल’ चरित्रको साथ सिर्जना गरिएको थियो।
आइटानाले एउटा विज्ञापनबाट १ हजार यूरो अर्थात लगभग १ लाख ४५ हजार नेपाली रुपैयाँ कमाउँछिन्। जसबाट उनको मासिक आम्दानी १० हजार यूरो अर्थात् करिब १४ लाख ५५ हजार नेपाली रुपैयाँ हुन्छ।
