११ चैत , एजेन्सी ।
एप्पल कम्पनी आफ्नो उत्कृष्ट उपकरणका लागि विश्वभर प्रसिद्ध छ । पछिल्ला केही वर्षहरूमा करोडौं मोबाइल फोन प्रयोगकर्ताहरूले एन्ड्रोइड स्मार्टफोनको सट्टा एप्पलको आईफोन प्रयोग गर्न थालेका छन् । अब एप्पलले संसारको दोस्रो ठूलो एप्पल स्टोर खोलेको छ । एप्पलको सबैभन्दा ठूलो स्टोर न्युयोर्क, यसको गृह देश, अमेरिकामा अवस्थित छ ।
अब कम्पनीले संसारकै जनसंख्याको दोस्रो ठूलो देश चीनमाा आफ्नो दोस्रो ठूलो एप्पल स्टोर खोलेको छ । यो स्टोर चीनको आर्थिक राजधानी मानिने सहर सांघाईमा खोलिएको हो । एप्पलका सीईओ टिम कुकको उपस्थितिमा एप्पलको यो दोस्रो ठूलो स्टोरको उद्घाटन गरिएको हो । यसको भिडियोलाई टिम कुकले पनि आफ्नो सामाजिक सञ्जालमा सेयर गरेका छन् ।
एक मिडिया रिपोर्टका अनुसार चीनको सांघाईमा एप्पल स्टोर खोल्ने क्रममा सयौं मानिस भेला भएका थिए । एप्पलको स्टोरको उद्घाटन हेर्न यति धेरै भीड जम्मा भयो कि चिनियाँ प्रहरीले यसलाई नियन्त्रण गर्न बल प्रयोग गर्नुप¥यो । यो संसारमा एप्पलको ५७ औं स्टोर हो, जुन चीनको सांघाईमा अवस्थित ऐतिहासिक जिंगआन मन्दिरको अगाडि खोलिएको छ ।
ध्यान दिनुपर्ने कुरा के छ भने चीनमा आईफोन प्रयोगकर्ताको संख्या लगातार घटिरहेको छ । त्यसैले चीनमा आईफोनको बिक्री पनि पहिलेको तुलनामा उल्लेख्य रूपमा घटिरहेको छ । यस्तो बेला एप्पलले चीनमा आफ्नो सबैभन्दा ठूलो स्टोर खोलेको छ । एप्पलमा आईओएस उपकरणहरूको बिक्री घटेको कारण एप्पलले हुवाइ, अनप्लस, सिओमी जस्ता धेरै चिनियाँ स्मार्टफोन कम्पनीहरूसँग प्रतिस्पर्धा गरिरहेको थियो ।
अब एप्पलले सबैभन्दा ठूलो स्टोर खोलेर मास्टर स्ट्रोक खेलेको छ । यसले चीनमा आईफोनको उत्पादन बढाउनेछ, आईफोनको मूल्य पनि घट्नेछ र यसले आईफोनको बिक्री बढ्न सक्छ । आइफोन बाहेक एप्पलका अन्य उत्पादनहरू जस्तै म्याकबुक, एप्पल वाच आदिको बिक्री पनि बढ्न सक्छ । चिनियाँ स्टोरहरु एशिया बजारलाई हेर्ने गरेका छन् ।
चीनमा एप्पलको उत्पादन समेत हुने गरेको छ । यद्यपि चीन र एप्पल कम्पनी बीचको सम्बन्ध भने अमेरिकाको चीन नीतिका कारण सुमधुर बन्न सकेको छैन् । यसैले भारत लगायतका एशियाली देशमा एप्पल आफ्ना उत्पादन कारखाना विस्तार गर्ने योजनामा छ ।
