२५ चैत, काठमाण्डौ ।
नेपालको सबैभन्दा लामो ट्रेल रेस मानिएको मन्जुश्री ट्रेल रेसमा धाविका निर्मला राई च्याम्पियन बनेकी छन् । मन्जुश्री ट्रेल रेसको १ सय ७० किलोमिटरको दूरी निर्मलाले अघिल्लो बर्षको कीर्तिमान तोड्दै पूरा गरेकी हुन् । निर्मलाले ३४ घन्टा ५४ मिनेट ३० सकेन्डमा १७० किलोमिटरको दूरी पूरा गरेर यसअघि अनिता राईले कायम गरेको कीर्तिमान तोडेकी हुन् ।
अनितालाई सोही दूरी पूरा गर्न ३६ घण्टा भन्दा बढि समय लागेको थियोे। उक्त रेस नेपालको सबैभन्दा धेरै अन्तराष्ट्रिय ट्रेल रनिङ एशोसियसनबाट आइटीआरए पोइन्ट पाउने रेसहरु मध्ये एक हो । यो रेसमा बिजेता बन्ने महिला पुरुष दुवैले स्विजरल्यान्डमा आयोजना हुने अन्तराष्ट्रिय एक सय किलोमिटरको रेसमा सहभागी हुन पाउने छन। निर्मला एक हप्ता अगाडि मात्रै रामेछापको सैलुङ हाई अल्टिच्युट ५५ किलोमिटर अल्ट्रा रेसमा प्रथम भएकी थिइन । उनी नेपालको नयाँ उदयमान सम्भावित महिला ट्रेल रनर हुन ।
