९ भदौ, विराटनगर ।
सामाजिक सञ्जाल टेलिग्रामका संस्थापक पाभेल दुरोभ फ्रान्सबाट पक्राउ परेका छन् । निजी जहाजबाट फ्रान्स पुगेका पाभेल अवतरणलगत्तै पेरिसको उत्तरी भागमा पक्राउ परेका हुन् ।
३९ वर्षीय रुसी नागरिक दुरोभ टेलिग्रामको बारेमा परेको उजुरीको आधारमा पक्राउ परेको बताइएको छ । रुसी सरकारलाई सूचना नदिँदा सन् २०१८ तिर बन्द गरिएको टेलिग्राम पछिल्लो समयमा भने सञ्चालनमा आएको थियो ।
अहिले टेलिग्रामको मुख्यालय संयुक्त अरब इमिरेट्स (युएई) मा छ । केही महिनाअगाडि अमेरिकी चर्चित पत्रकार टकर कार्ल्सनसँगको अन्तर्वार्तामा दुरोभले आफूलाई रुस तथा अमेरिका दुवैतर्फबाट असुरक्षा भएको बताएका थिए ।
रुसको युक्रेन हमलामा धेरै प्रयोग भएको सामाजिक सञ्जाल टेलिग्राम हो ।
