३ असोज , विराटनगर।
अरनिको आवासीय माध्यमिक विद्यालय विराटनगरले संविधान दिवसको उपलक्ष्यमा बढ्दो वैदेशिक पलायन ःरहर कि बाध्यता शीर्षकमा आयोजित वादविवाद प्रतियोगितामा कविसा पोखरेल प्रथम भएकी छन् ।
यस्तै प्रतियोगितामा समीर कटुवाल द्वितीय, आब्या घिमिरे तृतीय र शिक्षा यादवले सान्त्वना स्थान हासिल गरेका छन् ।
विद्यालयमा अध्ययनरत कक्षा ११ र १२ का गरी २६ जना विद्यार्थी प्रतियोगीहरुको सहभागिता रहेको कार्यक्रममा साहित्यकार तथा पत्रकार मीनकुमार नवोदित, टंकनाथ कोइराला र शिवकुमार लम्सालको निर्णायक मण्डलले विजेता छनोट गरेको हो ।
विजयी विद्यार्थीहरुलाई विद्यालयका प्राचार्य राजेश कार्की, विद्यालयका निर्देशक भरतराज दाहाल, निर्णायकत्रयले पुरस्कार तथा ट्रफी वितरण गरेका थिए । विद्यार्थीहरूको तार्किक क्षमताको अभिवृद्धि गर्ने उद्देश्यले सो कार्यक्रमको आयोजना गरिएको कार्यक्रममा संयोजक विमल भट्टराईले बताएका छन् ।
विद्यालयले समय समयमा विद्यार्थीहरुको प्रतिभा प्रस्फुटन गराउने उद्धेश्यले विभिन्न अतिरिक्त क्रियाकलापहरु समेत आयोजना गर्दै आएको विद्यालयका प्राचार्य कार्कीले जानकारी दिएका छन्।
