एजेन्सी,असोज २७
श्रीलंकाका क्रिकेटर लाथिस मलिङ्गामाथि भारतीय गायिका चिन्मयी श्रीपदालाई यौन दुव्र्यवहार गरेको आरोप लागेको छ ।
उनले सामाजिक सञ्जाल ट्वीटरमार्फत केहि बर्ष पहिले आईपीएल चलिरहेको बेला मुम्बईको एक होटलमा मलिङ्गाले आफुमाथि यौन दुव्र्यवहार गरेको सार्वजनिक गरेकी छिन् ।
केहि बर्ष पहिले आईपीएल चलिरहेको बेला श्रीपदाका आफ्नो साथी मुम्बईको एक होटलमा हराएकी र उनलाई खोज्न जादा मलिङ्गासँग एक्कासी उक्त होटलमा भेट भएको भारतीय इन्डियन टिभी स्पोर्टले जनाएको छ ।
उनले भनेकी छिन्, ‘मलिङ्गालले मेरी साथी उनको कोठामा भएको बताए । म उनको कोठामा पुगेँ, त्यहाँ मेरी साथी थिइनन् । त्यसै क्रममा मलिंगाले मलाई ओछ्यानमा लडाए । म उनीबाट फुत्किन खोजेँ तर सकिनँ । त्यति नै बेला डोरबेल बज्यो । होटलका स्टाफ केही कामले कोठामा आए । म त्यसै बेला वाशरुममा गएँ र मुख धोएर बाहिर निस्केँ ।’
तर, मलिंगाले भने यस विषयमा अहिलेसम्म कुनै प्रतिक्रिया दिएका छैनन् ।
