२५ मंसिर, जनकपुरधाम । धनुषा क्षेत्र नम्बर २ बाट संघीय समाजवादी फोरमका नेता उमाशंकर अरगडिया १३ हजार मतान्तरले विजयी भएका छन् । अरगडिया ३२ हजार ४४ मत प्राप्त गरी निर्वाचित भएका हुन् ।
राजपाको समेत समर्थन पाएका अरगडियाले वाम गठबन्धनका साझा उम्मेदवार माओवादी नेता रामचन्द्र झालाई १३ हजार ३ सय २९ मतान्तरले पराजित गरे । झाले १८ हजार ७ सय १५ मत प्राप्त गरेका छन् ।
धनुषा क्षेत्र ४ बाट एमाले नेता रघुविर महासेठ निर्वाचित
यसैबीच धनुषा क्षेत्रनम्बर ४ बाट प्रतिनिधि सभा सदस्यका लागि धनुषा क्षेत्र नम्बर ४ बाट एमाले नेता रघुविर महासेठ निर्वाचित भएका छन् । महासेठ २२ हजार ५ सय ३२ मत ल्याएर निर्वाचित भएका हुन् ।
कांग्रेस नेता महेन्द्र यादवलाई २ हजार ५ सय ४१ मतान्तरले महासेठले हराए । कांग्रेस नेता यादवले १९ हजार ९ सय ९१ मत ल्याएका छन् ।
मतगणनाको शुरुवाती चरणदेखि अग्रस्थानमा रहेका राजपा-फोरम गठबन्धका फोरम नेता महाजन यादव १९ हजार हजार ६ सय ३२ मत मात्र ल्याउँदै तेस्रो स्थानमा रहेका छन् ।
