भेटका क्रममा नेपाल–अमेरिका सम्बन्धका विविध पक्षबारे विचारविमर्श हुनुका साथै हालैको भोटेकोशी बाढीबाट प्रभावित क्षेत्रमा भइरहेको उद्धार, राहत, पुनर्स्थापना तथा पुनर्निर्माणका प्रयासबारे छलफल भएको थियो। मन्त्री खनालले विपद्का समयमा नेपाललाई अमेरिकाबाट प्राप्त हुँदै आएको सहयोगका लागि धन्यवाद दिँदै आगामी दिनमा पनि विपद्पछिको पुनर्स्थापना तथा पुनर्निर्माणका प्रयासमा सहयोग निरन्तर रहने विषयमा छलफल भएकाे थियाे ।
भेटमा दुवै पक्षले नेपालमा विपद् जोखिम न्यूनीकरण, विपद् व्यवस्थापन तथा प्रभावित क्षेत्रको पुनर्निर्माणमा सहकार्यलाई थप प्रभावकारी बनाउने विषयमा विचार आदानप्रदान गरेका थिए। नेपाल–अमेरिका सम्बन्धका विविध आयामबारे समेत छलफल गर्दै दुवै पक्षले आपसी सहकार्यलाई थप सुदृढ बनाउने र साझा चासोका क्षेत्रमा निरन्तर सहकार्य गर्ने प्रतिबद्धता व्यक्त गरेका छन्।
