८ आसोज , काठमाण्डौ ।
चीनद्वारा नेपाललाई कृत्रिम बुद्धिमत्ता (एआई) जडित अत्याधुनिक मौसमी सूचना प्रणाली हस्तान्तरण ।
चीनमा मंगलबार आयोजित कार्यक्रममा चीन मौसम विज्ञान प्रशासन (सीएमए) ले नेपालको जल तथा मौसम विज्ञान विभागलाई उक्त प्रणाली हस्तान्तरण गर्याे ।
‘माजु–नेपाल’ नाम दिइएको यो प्रणालीले चीनको मौसमी भू–उपग्रह ‘फेङयुन’मार्फत मौसमसम्बन्धी तथ्यांक उपलब्ध गराउने ।
प्रणालीमा उच्चस्तरीय चिनियाँ एआई मोडलसमेत जडान गरिएको सीएमएको भनाइ ।
यसबाट मौसमसम्बन्धी रियल टाइम सूचना प्राप्त गर्नुका साथै सम्भावित विपद्को पूर्वचेतावनीमा सहयोग पुग्ने अपेक्षा ।
विश्व मौसम विज्ञान केन्द्र बेइजिङका वरिष्ठ इन्जिनियर हुवा वेनलीले ‘माजु–नेपाल’ क्लाउडमा आधारित मौसमी सूचना प्रणाली मात्र नभएको बताए ।
उनका अनुसार प्रणालीले नेपाललाई समयमै निर्णय लिन आवश्यक उच्च गुणस्तरको मौसमी सूचना उपलब्ध गराउन सहयोग गर्ने ।
नेपालका सम्बन्धित निकायलाई प्रणाली सञ्चालन तथा मौसमी सूचना प्रयोगसम्बन्धी प्राविधिक तालिमसमेत प्रदान गरिने ।
भदौ १० गतेको भोटेकोशी बाढीबाट ठूलो जनधनको क्षति भएपछि चीनले नेपाललाई मौसमी पूर्वसूचना प्रणालीमा सहयोग गरेको हो।
