१४ असोज , काठमाण्डौ।
मनसुनको न्यून चापीय रेखा हाल सरदर स्थानको आसपास रहेको र देशभर मनसुनी तथा पश्चिमी वायुको आंशिक प्रभाव रहेको जल तथा मौसम विज्ञान विभागको मौसम पूर्वानुमान महाशाखाको भनाइ ।
महाशाखाका अनुसार आज देशका हिमाली भू–भागमा आंशिक बदली तथा पहाडी र तराईका भू–भागमा मौसम मुख्यतया सफादेखि आंशिक बदली रहने ।
तराई मधेसमा हुस्सु लाग्यो ।
दिउँसो देशभर आंशिक बदली रहदा कोसी र वाग्मती प्रदेशका हिमाली तथा पहाडी भू–भागका केही स्थानमा तथा गण्डकी, लुम्बिनी, कर्णाली र सुदूरपश्चिम प्रदेशका हिमाली तथा पहाडी भू–भागका एक–दुई स्थानमा हल्का वर्षा तथा हिमपातको सम्भावना ।
राति कोसी र वाग्मती प्रदेशका हिमाली तथा पहाडी भू–भागमा सामान्यतया बदली रहनेछ भने गण्डकी, लुम्बिनी, कर्णाली र सुदूरपश्चिम प्रदेशका हिमाली तथा पहाडी भू–भागमा भने आंशिक बदली रहने पूर्वानुमान ।
देशका तराई भू–भागमा रातिको समयमा मौसम मुख्यतया सफा रहने ।
यद्यपि कोसी र वाग्मती प्रदेशका पहाडी भू–भागका एक–दुई स्थानमा हल्का वर्षाको सम्भावना रहेको महाशाखाको भनाइ ।
