विराटनगर,कार्तिक ५
नेपाली कांग्रेसका महामन्त्री शशांक कोइरालाले पार्टीभित्र भएको गुटबन्दी समाप्त गरेर अघि बढनुपर्ने बताएका छन् ।
विराटनगरमा सञ्चारकर्मीसंग कुराकानी गर्दे उनले गुटबन्दीको शिकार भएकै कारण गएको निर्वाचनमा कांग्रेले पराजय भोग्नुपरेको स्मरण गर्दे आगामी दिनमा गुटबन्दी अन्त्य गरेर अघि बढनुपर्ने बताए । उनले पार्टी भित्रको गुटबन्दी अन्त्य गरेर मात्र संगठन सुदृढीकरणमा अघि बढ्दा राम्रो हुने विचार समेत ब्यक्त गरे ।
वर्तमान अवस्थामा समेत कांग्रेसको अस्तित्व बलियो रहेको धारणा राख्दै महामन्त्री कोइरालाले आगामी ४ बर्षपछि हुने आम निर्वाचनमा एकताबद्ध भएर अघि बढे कांग्रेलाई कसैलेपनि हराउन नसक्ने विचार ब्यक्त गरे ।
महामन्त्री कोइरालाले पार्टी सभापति मात्रले नभइ सबैको केहि नकेहि गल्तीका कारण विगतको निर्वाचनमा पार्टीले पराजय बेहोर्नुपरेको समेत उल्लेख गरे ।
