विराटनगर, कात्तिक २७
छठको प्रमुख दिन आज विराटनगरको सिंघिया खोला, केशलिया खोला,चिसाङ लोहन्द्रा खोला, मोरङ–सुनसरी सिँचाई आयोजना,विभिन्न खोला, पोखरी तथा नहरहरु अहिले झकिझकाउ भएका छन् ।
छठमा पकाइने विभिन्न प्रकारका पाकवानहरु ठेकुवा, भुसुवा, केरा, नरिवलहरुले विराटनगरका खोला, पोखरी, नहरहरु ढाकिएका छन् । ब्रतालु सूर्यलाई अर्घ दिएर पूजा गर्दैछन्। ब्रतालु साँझ अस्ताउँदै गरेको सूर्यलाई अर्घ दिने तयारीमा रहेका छन्।
चार दिनसम्म मनाइने छठको आज मुख्य दिन हो । आज ब्रतालुहरुले अस्ताउँदो सुर्यलाई अर्घ दिएर भोलि उदाउँदो सूर्यलाई अर्घ दिएपछि छठ समापन हुन्छ ।
