विराटनगर, कार्तिक ३०
विराटनगर महानगरपालिकाले समुदाय प्रहरी साझेदारी कार्यक्रमको सम्झौता पत्रमा हस्ताक्षर गरेको छ । मोरङका १७ स्थानीय तह मध्य यस अघि नै अधिकांश स्थानीय तहहरुले समुदाय प्रहरी साझेदारी कार्यक्रममा हस्ताक्षर गरिसकेका थिए ।
शान्तिपूर्ण र सुरक्षित समाज निर्माण गर्ने उद्देश्यका साथ नेपाल प्रहरीले सुरु गरेको राष्ट्रव्यापी रुपमा ‘समुदाय–प्रहरी साझेदारी’ कार्यक्रम संचालन अन्तर्गत महानगरपालिकाले पनि सम्झौता गरेको हो ।
कार्यक्रममा विराटनगर महानगरपालिकाका प्रमुख भीम पराजुलीले विद्यालयस्तरदेखि नै पाठयक्रममा यस्ता कार्यक्रम राख्नुपर्नेमा जोड दिए । कार्यक्रममा मोरङ जिल्लाका प्रहरी प्रमुख एसपी मनोज केसीले कार्यक्रमको औचित्यमाथि प्रकाश पारेका थिए ।
कार्यक्रममा प्रदेश १ का प्रहरी प्रमुख केदार रिजाल विराटनगर महानगरपालिकाकी उपप्रमुख इन्दिरा कार्की, विराटनगर महानगरपालिकाका विभिन्न वडाका वडाध्यक्षहरु लगायतको सहभागिता रहेको थियो ।
