काठमाडौँ,मंसिर १५
नेपालमा कुल ४ हजार ४७९ वटा उद्योग रहेको पाइएको छ । उद्योग विभागको तथ्याङ्क अनुसार गत असार मसान्तसम्ममा ती उद्योगहरुले २ खर्ब ८६ अर्ब विदेशी लगानी उद्योगमा स्वीकृत भएका छन् ।
स्थापना भएका उद्योगहरुमध्ये २८९ वटा ठुला उद्योगमा सबैभन्दा धेरै कुल १ खर्ब ९० अर्ब रुपैंयाको लगानी स्वीकृति भएको छ । त्यस्तै, मझौला उद्योगतर्फ कुल ४ सय उद्योग स्थापना हुँदा ती उद्योगहरुले कुल २६ अर्ब रुपैंया बराबरको विदेशी लगानी गरेका छन् ।
साना उद्योगतर्फ भने कुल ५१ अर्ब लगानी उद्योग विभागले स्वीकृत गरेको छ । अघिल्लो आर्थिक वर्षसम्म कुल ४४७९ उद्योगहरुबाट उक्त परिमाणबाट उक्त परिमाणमा लगानी भित्रिएको विभागले जनाएको छ ।
उक्त संख्यामा दर्ता भएका विदेशी उद्योगहरुमध्ये सबैभन्दा बढी सेवामूलक प्रकृतिका छन् । सो प्रकृतिको उद्योगको संख्या १५०२ ओटा रहेको छ । त्यस्तै, पर्यटन क्षेत्रमा १३७१ ओटा, उत्पादनमूलक क्षेत्रमा ११०६ ओटा, कृषि तथा बन पैदावरमा आधारित २६७ ओटा, उर्जा क्षेत्रमा ८२ ओटा, खनिजजन्य उद्योग ७० ओटा, निर्माण क्षेत्रमा ४६ र सञ्चार क्षेत्रमा ३५ ओटा गरी उक्त संख्यामा उद्योग दर्ता भएका हुन् ।
नेपालमा शान्ति स्थापना भई नयाँ संविधान बनेसँगै वैदेशिक लगानी भित्रने क्रम बढ्दो छ । चालु आर्थिक वर्षको ३ महिनामा मात्र देशमा १५ वटा विदेशी कम्पनी पनि दर्ता भएका छन् ।(विकास न्युज)
