विराटनगर,मंसिर २४
राम–सीता विवाहपञ्चमी महोत्सवमा जनकपुरमा स्थानीय सरकारले दुई दिन बिदा दिने निर्णय गरेको छ।जनकपुरधाम उप–महानगरपालिकाले विवाह पञ्चमीलाई भव्यतापूर्वक मनाउन भन्दै दुई दिन विद्यालय बिदा दिने निर्णय गरेको हो ।
जसअनुसार मंसिर २५ र २६ गते जनकपुरधाम नगर भित्रको सम्पूर्ण सामुदायिक विद्यालयको पठन पाठन बन्द हुनेछ । विवाहपञ्चमी महोत्सवमा लाखौँ श्रद्धालु भक्तजनको सहभागिता हुने अनुमान गर्दै उपमहानगरपालिकाले श्रद्धालुभक्तजनको लागि बासस्थलको रुपमा विद्यालय उपलब्ध गराइदिन पनि आग्रह गरेको छ ।
साथै विद्यालयलाई आवश्यकता अनुसार आगन्तुक श्रद्धालु भक्तजनलाई बास उपलब्ध गराई विद्यालयको भवन प्रयोग गर्न दिन आग्रह समेत गरेका छन् ।
