विराटनगर,पुस १
समाजका सुक्ष्म कुरालाई समेटेर लैगिक नीति निर्माण गर्नुपर्नेमा विराटनगरमा भएको एक कार्यक्रममा सहभागीहरुले जोड दिएका छन् । मोरङ जिल्लाका स्थानीय तहमा लैगिंक नीति निर्माण सम्बन्धी कार्यशाला गोष्ठीको समापनको अवसरमा बोल्दै सहभागीहरुले यस्तो बताएका हुन् ।
कार्यक्रममा बोल्दै पथरी शनिश्चरे नगरपालिकाकी उपप्रमुख यमुना बिष्टले लैंगिक नीति बनाउन आफूहरु तयार रहेको बताइन् । यस्तै कार्यक्रममा बोल्दै मानवअधिकारकर्मी रेणुराज राजभण्डारीले लैगिंक रुपमा पछाडि परेको वर्गलाई सरकारले मूल प्रवाहमा नल्याइन्जेलसम्म सरकारले लिएको समृद्ध नेपाल र सुखी नेपालीको चाहना पूरा नहुने बताइन् ।
उनले अब स्थानीय तहका प्रमुख, उप–प्रमुखहरुले बाहनाबाजी नगरी बिशेष लैगिक नीति निर्माण गर्नुपर्नेमा जोड दिइन । यस्तै कार्यक्रममा बोल्दै जिल्ला समन्वय समिति मोरङका संयोजक नरेश पोखरेलले स्थानीय तहले अल्मलिने अवस्था नरहेको भन्दै छिटो भन्दा छिटो नीति बनाएर अगाडि बढ्न आग्रह गरे ।
लैगिंक नीति बनाउदा सामाजिक परिवेशलाई ध्यान दिएर नीति निर्माण गर्नुपर्नेमा जोड दिए । महिला पुनस्र्थापना केन्द्र र ओरेक नेपालको सहकार्यमा भएको कार्यक्रममा अहिले पनि धेरै महिलाहरु हिंसाबाट प्रताडित हुने गरेको तथ्याङक प्रस्तुत गरिएको थियो ।
नेपाल सरकारको तथ्याङकमा आर्थिक बर्ष २०७३/०७४ मा ११ हजार ६ सय २९ महिलाले मुर्दा दर्ता गरेकोमा ६ हजार ८ सय ८२ जनाको मिलापत्र गरेको जानकारी दिइएको थिए भने ५ सय ८२ मुद्दा मात्र अदातल गएको कार्यक्रममा जानकारी दिइएको थियो ।
