काठमाडौँ : विभिन्न किमिसका भ्रष्टाचार मुद्दामा अख्तियार दुरुपयोग अनुसन्धान आयोगले ३२.१८ प्रतिशत असफलता पाएको छ ।
विशेष अदालतमा दायर भएका मुद्दामध्ये गत वर्षको फैसलाअनुसार ६७.८२ प्रतिशतमा मात्र आयोगको दाबीअनुसार सजाय भएको छ, अन्य मुद्दामा आरोपीले सफाइ पाएका छन् ।
आयोगले सोमबार राष्ट्रपति विद्यादेवी भण्डारीलाई बुझाएको २८औँ प्रतिवेदनअनुसार गत वर्ष १ सय ७४ भ्रष्टाचार मुद्दामा विशेष अदालतबाट फैसला भएको थियो ।
जसमध्ये ६८ मुद्दामा विशेषको फैसलाउपर सर्वोच्चमा पुनरावेदन गरिएको आयोगका प्रवक्ता रामेश्वर दंगालले बताए । पछिल्ला वर्ष भ्रष्टाचार मुद्दामा अदालतबाट असफलता बढ्दै गएको आयोगका अधिकारीहरू बताउँछन् ।,यो समाचार आजको नयाँ पत्रिका दैनिकमा छ ।
