विराटनगर, पुस २०
लायन्स क्लव अफ विराटनगर पाथिभराले १५ जना एचआइभी संक्रमित बालबालिकाहरुलाई न्यानो कपडा वितरण गरेको छ । संस्थाले विराटनगरस्थित परिवार नियोजनको सभाहलमा एचआइभी संक्रमित बालबालिका र तिनका अभिभावकहरुलाई एक कार्यक्रमका बीच न्यानो कपडा वितरण गरेको हो ।
मोरङको बेलवारी, पथरी, आमगाछी, होक्लावरी, कटहरी र विराटनगरका एचआइभी संक्रमित बालबालिका र तिनका अभिभावकहरुको सहभागिता रहेको थियो ।कार्यक्रममा लायन्स क्लवका डिस्ट्रिक गर्भनर अनन्तप्रसाद भेटवालले बालबालिकाहरुलाई न्यानो कपडा वितरण गरेका थिए ।
समाजमा आई परेका समस्याहरुमा संस्थाले सेवामुलक सहयोगी हातहरु बढाउने प्रयास गरेको पाथिभराकी अध्यक्ष अपर्णा दाहालले कार्यक्रममा जानकारी दिइन् । उनले एचआइभी संक्रमित बालबालिकाहरुका लागि सहयोग गर्न सबैसँग आग्रहसमेत गरेकी छन ।
