विराटनगर, पुस २१
नेपाल आयल निगमले इन्धन ढुवानी गर्दै आएका १३ वटा ट्याङ्करलाई रोक लगाएपछि पेट्रोलियम ढुवानी ब्यबसायी महासंघले आन्दोलन गर्ने चेतावनी दिएको छ ।
महासंघले घोषणा गरेको आन्दोलनमा पुर्वाञ्चल पेट्रोलियम ढुवानी ब्यबसायी संघले पनि समर्थन गरेको छ । महासंघले पुर्वघोषित कार्यक्रमलाई समर्थन गर्दै प्रदेश १ मा पुर्वाञ्चल ढुवानी ब्यबसायी संघका उपाध्यक्ष धु्रवप्रसाद सिग्देलको संयोजकत्वमा १२ सदस्यीय आन्दोलन समिति गठन गरिएको छ ।
निगमको प्रदेश १ कार्यालय विराटनगरबाट सञ्चालनमा रहेका १३ वटा ट्यांकर तीन महिना ढुवानीमा रोक लगाएसँगै ब्यबसायीले आन्दोलनको घोषणा गरेका हुन् ।
नियमविपरीत लगाईएको प्रतिबन्ध फुकुवा नभए आगामी सोमबारबाट ढुवानी ठप्प पारेर देशभर हड्ताल गरिने चेतावनी पेट्रोलियम ढुवानी ब्यबसायीले गरेका छन् ।, यो समाचार आजको उद्घोष दैनिकमा छापिएको छ ।
