विराटनगर, पुस २७
क्यान महासंघ मोरङको आयोजनामा भएको सुबिसु क्यान इन्फोटेक २०१९ को लक्की ड्र भोलि सार्वजनिक गरिने भएको छ । क्यान महासंघले विराटनगरको वेन्जन फुडल्याण्डमा लक्की ड्र सार्वजनिक गर्ने भएको हो ।
मेलामा टिकट काटेर प्रवेश गर्ने अवलोकनकर्ताहरुमध्ये भाग्यमानी एक जनालाई दुवई भ्रमणको अवसर दिईने योजनाअनुसार लक्की ड्र गर्न लागिएको क्यान महासंघ मोरङका सदस्य अजित चापागाईले जानकारी दिए ।
भोलि बिहान १० बजे हुने लक्की ड्र को क्यान महासंघ मोरङको फेसबुक पेजबाट प्रत्यक्ष प्रसारण गरिने जनाईएको छ । लक्की ड्रको कुपन नम्बर पर्ने अवलोकन कर्ताले अर्धकट्टीका साथमा आधिकारिक परिचयपत्र लिएर क्यान महासंघ मोरङमा सम्पर्क राख्न सक्ने क्यान महासंघले जनाएको छ ।
सुबिसु क्यान इन्फोटेक इन एशोसियसन विथ म्याक क्याफे नाम दिएको सो मेला पुस १९ गतेदेखि २४ गतेसम्म विराटनगरको जैन भवनमा चलेको थियो ।
