काठमाडौँ, पुस २९
नेपाली चलचित्र ‘रणवीर’को दमदार ट्रेलर सार्वजनिक भएको छ । ट्रेलर शुक्रबार काठमाडौँमा आयोजित कार्यक्रमका बीच सार्वजनिक गरिएको हो ।चलचित्रको ट्रेलरमा प्रेम, एक्सनलाई समेटिएको छ । बदलाको भाव झल्किने ट्रेलरमा चलचित्रका दुई मुख्य कलाकार सुशील सिटौला र प्रशान्त ताम्राकार बिचको टकराबलाई देखाइएको छ ।
यो चलचित्रमा सुशील र प्रशान्तको अलावा शुभेच्छा खड्का, सुपुष्पा भट्ट, रवी गिरी, हरिहर शर्मा, टिका पहारी, नरेश पौडेल, भोला राज सापकोटा, जीवन भट्टराई, जगदिष रिजाल, बसन्ती भट्ट लगायत कलाकारहरुको अभिनय रहेको छ ।
गोविन्द सिहं भण्डारीको निर्देशन रहेको चलचित्रमा उनकै कथा, पटकथा, संवाद रहेको छ भने महेश पौडेलको छायाँकन रहेको छ ।
कृष्ण भण्डारीले सम्पादन गरेका सो चलचित्रमा चन्द्र पन्तको द्धन्द्ध रहेको छ भने गम्भिर विष्ट र सुरेन्द्र बसेलको कोरियोग्राफी रहेको छ । चलचित्र माघ १८ गतेबाट रिलिज हुदैँछ ।
