विराटनगर, फागुन १
क्यान्सरबाट पिडित विराटनगर– ८ की शकुन्तला राईको उपचारमा सहयोगका लागि विराटनगरमा सडक सांगितिक कार्यक्रम गरिएको छ । क्यान्सर(सि.ए इन्ड्रोमेट्रियुम) बाट पिडित भई भक्तपुर क्यान्सर अस्पतालमा उपचाररत राईको उपचारको लागि सहयोगार्थ सामाजिक संस्था पाईला परिवर्तनका लागि ले सडक सांगितिक कार्यक्रमको आयोजना गरेको हो ।
सोमबारबाट सुरु भएको सडक सांगितिक कार्यक्रम विराटनगरका विभिन्न ठाउँमा फागुन दुई गतेसम्म सञ्चालन गरिने पाईला परिवर्तनका लागिका अध्यक्ष ग्याल्जेन लामाले जानकारी दिए । पिडित राईको उपचारका लागि केही भएपनि रकम संकलन गरेर सहयोग गर्ने अपेक्षा राखेर सो कार्यक्रम गरिएको उनले बताए । आर्थिक अवस्था कमजोर भएकी राई गत फागुन २५ गतेदेखि भक्तपुर क्यान्सर अस्पतालमा उपचार गराईरहेकी छिन् ।
