विराटनगर, चैत १४
विराटनगर महानगरपालिकाका मेयर भीम पराजुलीले दश महिने बालकको उद्दार गरेका छन् । पराजुली आफैँले विराटनगर अस्पताल चौकबाट बालकको उद्धार गरी एस्ओएस् बालग्राम इटहरी पठाएका हुन् ।
विराटनगरको महेन्द्र चौक बस्दै आएकी असक्त महिला पानावती महतोले विभिन्न ठाउँमा मागेर बच्चालाई हुर्काइरहेकी थिईन् । मुखियाले शिशुलाई सडकमा आफुसँगै राखेर माग्न प्रयोग गर्दै आएकी थिइन् ।
बालकको पालन पोषण, शिक्षा लगायतका सम्पूर्ण जिम्मेवारी सरकारले लिने विराटनगर महानगरपालिकाका मेयर भीम पराजुलीले बताए ।
सिविन हेल्पलाइनका प्रमुख वासु अधिकारीले माग्न सडकमा बस्दा बच्चाको स्वास्थ्य खतरामा पर्ने र शिक्षामा समस्या आउने भएकोले उद्धार गरिएको बताए ।
