विराटनगर, बैशाख, १३
विराटनगरलगायत पूर्व क्षेत्रमा अहिले केही समय अघिदेखी पानि परिरहेको छ । विरानैदेखी आकास धमिलो भएपनी केहीवेर अघिदेखी पानि पर्न सुरु भएको हो । शुक्रबार पनि मौसम पूर्णरुपमा नखुल्ने मौसम पूर्वानुमान महाशाखाले जनाएको छ । भारतको पश्चिम बंगालतिर बन्न लागेको न्यूनचापीय क्षेत्रको प्रभावले पूर्वसहित मध्य र पश्चिमको पहाडी क्षेत्रको मौसम एकैछिन खुले पनि फेरि बदली भई केही ठाउँमा पानी पर्ने सम्भावना रहेको मौसमविद्ले जनाएका छन् ।
यो प्रणाली कमजोर हुने भएकाले शुक्रबार र शनिबार मौसम नखुलेपनि आइतबारदेखि पूर्वसहित मध्य र पश्चिमको पहाडी भूभागको मौसममा सुधार आउने मौसमविद्को भनाई रहेको छ । यसैबीच यसवर्षको मनसुनमा प्रदेश १, २ र ३ का धेरै ठाउँ तथा प्रदेश ५ को पश्चिमी क्षेत्रमा औसतभन्दा कम पानी पर्ने जल तथा मौसम विज्ञान विभागले जनाएको छ ।
गएको सोमबार र मंगलबार काठमाडौंमा भएको चौधौँ दक्षिण एसियाली जलवायु दृष्टिकोण मञ्चले गरेको अध्ययनले प्रदेश १, २ र ३ का धेरै ठाउँ तथा प्रदेश ५ को पश्चिमी क्षेत्रमा औषतभन्दा कम पानी पर्ने र अरु ठाउँमा औसत पानी पर्ने आँकलन गरेको हो ।
