काठमाडौं, वैशाख १३
भारतीय सेनाले पहिलो पटक जवान पदमा महिलालाई भर्ना लिने भएको छ ।यसअघि अधिकृतका रुपमा मात्रै महिलाहरु भारतीय सेनामा भर्ना हुने गरेका थिए । बिहीबारदेखि सेनाले भर्तिका लागि आवेदन माग गरेको छ । आवेदन दिने अन्तिम मिति जुन ८ सम्म तोकिएको छ ।
मलिट्रि पुलिस क्याडरको संख्या २० प्रतिशत पुर्याउने भारतीय सेनाको लक्ष्य छ । ६५ हजार उच्च अधिकारीमध्ये स्थल सेनामा १५ सय, वायुसेनामा १६ सय र नौसेनामा ५ सय महिला अधिकारी मात्र कार्यरत रहेका छन् । भारतीय सेना संख्या अहिले १४ लाख हाराहारी छ ।
