काठमाडौं, बैशाख १८
चीनको नौ दिने राजकीय भ्रमणमा रहेकी राष्ट्रपति विद्यादेवी भण्डारी आजै (बुधबार)स्वदेश फर्किने भएकी छिन् । स्वास्थ्यमा समस्या देखा परेपछि उनी निर्धारित समयभन्दा एक दिन अगावै स्वेदश फर्किने भएकी हुन् ।
स्वास्थ्यमा समस्या देखा परेपछि उहाँ सम्मेलनका कार्य तालिकाभन्दा एक दिनअघि स्वदेश फिर्ता हुन लग्नुभएको प्रधानमन्त्रीका प्रेस सल्लाहकार कुन्दन अर्यालले जानकारी दिए । अर्यालका अनुसार राष्ट्रपति भण्डारी सिचुवान एयरलाइन्सको विमानबाट आज बिहान साढे १० बजे स्वदेश आइपुग्ने छिन् ।
राष्ट्रपति भण्डारी चीनको राजधानी बेइजिङमा भएको बेल्ट एन्ड रोड (बिआरआई) फोरमअन्तर्गत गोलमेच सम्मेलनमा सहभागी हुन गत बुधबार चीन प्रस्थान गरेकी थिइन् ।
भ्रमणको क्रममा राष्ट्रपति भण्डारीले आइतबार ग्रेट हल अफ पिपुल्समा चिनियाँ राष्ट्रपति सी चिनफिङसँग दुई पक्षीय भेटवार्ता गरेकी थिइन् । (न्युज २४ नेपाल बाट)
