काठमाडौं, वैशाख १८
राष्ट्रपति विद्यादेवी भण्डारीले तातोपानीसहित चिनसँगका अन्य नाका खोल्ने प्रक्रिया थाल्नुपर्ने बताएकी छन् । उनले चिनियाँ राष्ट्रपति सी चिनफिङसँगको भेटमा अन्तरसीमा हिमाली क्षेत्रको विकास परियोजनाका लागि पूर्ण सहयोगको आश्वासन पाएको बताएकी हुन् ।
भूगोलको हिसाबले नेपाललाई उत्तरतिर चीनको तिब्बतले नै जोड्ने भएकाले यस क्षेत्रको भ्रमण गर्नु अति आवश्यक भएको बताउँदै चीन र तिब्बतले गरेको अभूतपूर्व विकास प्रयासका लागि प्रशंसासमेत गरेकी छिन् ।
अन्तरसीमा हिमाली क्षेत्रको विकास परियोजनाका लागि चिनियाँ चासो पनि रहेको राष्ट्रपति भण्डारीको भनाइ छ । मंगलबार तिब्बत पुगेकी राष्ट्रपति भण्डारीले उनले चीन तथा तिब्बतको विकास प्रयासबाट नेपालका सबै राजनीतिक दलका नेताहरुले सिक्न सक्ने पनि उल्लेख गरिन् ।
