प्रदेश १ को राजधानीका सम्पूर्ण संरचना विराटनगरमै राखेर स्थायी राजधानी घोषणागर्न माग गर्दै सोमबार बिहानैबाट विराटनगरमा प्रर्दशन सुरु भएको छ ।
विराटनगर महानगरपालिकको सभाहलमा आक्ष्तबारराति १० बजेसम्म भएको सर्वपक्षिय छलफलले दबाब समिति गठन गरेर स्थायी राजधानीकालागि दबाब दिने निर्णय गरेपछि बिहानैबाट विराटनगरमा प्रर्दशन सुरु भएको हो । प्रर्दशनमा विभिन्न राजनितिक दल आबद्ध नेता तथा कार्यकर्ता सहभागि छ । नगरक्षेत्रका विभिन्न चोकहरुमा प्रर्दशनकारीहरुले प्रर्दशन गरिरहेका छन् भने कोशी राजमार्गका विभिन्न चोकहरुमा टायर बालेर यातायात आवागमन अवरुद्ध पार्दे प्रर्दशन गरिरकेका छन्। प्रर्दशनकारीहरुले कोशीराजमार्गमा पर्ने महाविरचोक,भट्ठी मोड,बरगाछी र कंचनबाडी लगायतका क्षेत्रमा सडकमैं धर्ना दिंदै आवागमनमा अवरोध गरिरहेका छन् । सर्वपक्षिय दबाब समितिले बन्द आव्हान गरेपछि नगरक्षेत्रमा रहेका कलकारखाना,शैक्षिक संस्था र ब्यापारिक प्रतिष्ठान समेत बन्द भएका छन् । प्रर्दशनका सहभागिले विराटनगरलाई स्थायी राजधानी बनाउन मागगर्दै नाराबाजी समेत गरिरहेका छन् ।
आइतबारराति प्रदेश नं. १ को स्थायी राजधानी निर्धारण गर्ने क्रममा विराटनगरलाई झुक्याउन खोजिएको भन्दै सरोकारवालाहरुले बन्द लगायतका कार्यक्रम घोषणा गरेका थिए । विराटनगरलाई राजधानी घोषणा गर्न दबाव दिंदै संघर्ष समिति गठन गरी उनीहरुले बन्द सहितका कार्यक्रम तय गरेर दबाबमुलक कार्यक्रम घोषणा गरेका छन् । सर्वपक्षिय बैठकले प्रदेश एकको राजधानी तय गर्न प्रदेश सभामा दर्ता गरिएको प्रस्तावमा विराटनगरलाई झुक्याउन खोजिएको निष्कर्ष निकालेको छ । राजधानीका बिषयमा दर्ता गरिएको प्रस्तावमा विराटनगरलाई प्रदेशको राजधानी बनाउने भनेपनि ब्यवस्थापिका र कार्यपालिका अन्यत्र लान खोजेको भन्दै असन्तुष्टि जनाएका छन् ।
बैठकमा सहभागि राजनितिक दलका नेताहरुले राजधानीका महत्वपूर्ण संरचनाहरु अन्यत्र लाने बिषय मान्य नहुने बिचार ब्यक्त गरेका थिए । दबाबमुलक कार्यक्रम गर्न अर्थविद डा. भेषप्र्रसाद धमलाको संयोजकत्वमा दबाबमुलक समिति समेत गठन गरिएको छ । धमला संयोजक रहेको समितिमा विभिन्न राजनितिक दलका केन्द्रीय र जिल्ला तहमा रहेका नेताहरु सहसंयोजक रहेका छन् ।
यस्तै उद्योग संगठन, मोरङ ब्यापार संघ, प्याब्सन, ट्रक ब्यवसायी संघसहित विभिन्न संघसंस्थाका प्रतिनिधिहरु दबाबमुलक समितिका सदस्य रहेका छन् । बैठकले सोमबारदेखि विराटनगरक्षेत्रका बजार, कलकारखाना, यातायात र शैक्षिक संस्था लगायत सम्पूर्ण क्षेत्र बन्द गर्ने निर्णय गरेको छ । निर्णय बमोजिम नै यहाँका बजार, कलकारखाना, शैक्षिकसस्था लगायत बन्द गरिएको छ ।
