काठमाडौं, जेठ ९
तीनजना चढेको मोटरसाईकललाई टिप्परले ठक्कर दिँदा एक जनाको मृत्यु भएको छ । एक घाइते भएका छन् । तारकेश्वर नगरापलिका–११ जोरङखु लामबगर नजिकै बुधबार राति बा ५ ख ६४४९ नम्बरको टिप्परले बा ८० प ७२९० नम्बरको मोटरसाईकललाई ठक्कर दिएको थियो ।

टिप्परको ठक्करबाट मोटरसाईकलको पछाडी बसेका रसुवाका २७ वर्षीय आकाश तामाङको मृत्यु भएको प्रहरीले जनाएको छ । नुवाकोटका २८ वर्षीय राजकुमार तामाङको वीर अस्पतालमा उपचार भइरहेको छ । मोटरसाईकल चालक भने सकुशल रहेको प्रहरीले जनाएको छ ।