विराटनगर, जेठ १३
विप्लव नेतृत्वको नेपाल कम्युनिष्ट पार्टीले आब्हान गरेको नेपाल बन्दका कारण सोमबार विराटनगर सहित देशका अधिकांस ठाउँको जनजीवन प्रभावित भएको छ । बन्दका करण विराटनगरबाट चल्ने लामा दुरीका सवारी साधनहरु चलेका छैनन् ।
बन्दका कारण सयौँ यात्रुहरु विराटनगर वसपार्कमा अलपत्र परेका छन् । बन्दका कारण विराटनगरलगायत पूर्वका शैक्षिक संस्था, उद्योग कलकारखाना तथा यातायातका साधनहरु ठप्प छन् ।
भोजपुरमा प्रहरी कारबाहीमा परी आफ्ना कार्यकर्ता तीर्थराज घिमिरे मारिएपछि सरकारसँग बदला लिने चेतावनी दिएका नेपाल कम्युनिष्ट पार्टीका महासचिव नेत्रविक्रम चन्द (विप्लव) ले नेपाल बन्दसहितका चरणबद्ध संघर्ष कार्यक्रम घोषणा गरेका छन् । पुर्ब घोषित कार्यक्रम अनुसार विप्लवले नेपाल बन्दको आब्हान गरेको हो ।
बन्दमा मोरङलगायत बिभिन्न स्थानमा शंकास्पद बस्तुहरु फेला परेका छन् । बुढीगंगा गाउँपालिका १ पहाडगछ मार्गमा शंकास्पद बस्तु फेला छ । बिहान बिस्फोटक जस्तो बस्तु देखेपछी स्थानीयले प्रहरीलाई खबर गरेका थिए ।
प्रहरीलाई खबर गरिए लगत्तै पुगेको प्रहरीको टोलीले बम भएको हुनसक्ने आशंकामा आर्मीको बिशेषज्ञ टोलीलाई खबर गरिएको जिल्ला प्रहरी कार्यालय मोरङका डिएसपी घनश्याम श्रेष्ठले जानकारी दिए ।
त्यस्तै पुर्व–पश्चिम राजमार्ग स्थित मोरङको सुन्दरहरैंचा–७ ढडियामा कुकर बम फेला परेको छ । राजमार्ग छेउमा रहेको बिजुलीको पोल नजिकै कुकर बम फेला परेको हो । सेनाको पूर्वी पृतना इटहरीबाट गएको टोलीले उक्त बम निस्कृय बनाएको छ ।
