३२ जेठ, विराटनगर। एकल गायन र नृत्य समावेश गरिएको ‘प्याब्सन आँगन’ प्रतियोगिताको छनौट चरणको अडिसन सम्पन्न भएको छ । प्याब्सन विराटनगरले विराटनगरमा आयोजना गरेको अडिसनमा ८० भन्दा बढी विद्यालयहरूबाट गायनमा ९५ र नृत्यमा १ सय ५५ जना गरि २ सय ५० जना प्रतियोगिहरूले भाग लिएको प्याब्सन विराटनगरका अध्यक्ष इन्द्र राईले जानकारी दिए ।
पहिलो अडिसनबाट १ सय ६५ जना छनौट भएको उनले बताए । अध्यक्ष राईका अनुसार नृत्यतर्फ ९६ र गायनतर्फबाट ६५ जना छनौट भइ क्वाटरफाइनलमा प्रवेश गरेका छन् । । क्वाटरफाइनल असार १३ गते हुनेछ । ‘सधैको लागि, सवैको लागि, राष्ट्रको शिक्षा, कलाको लागि, प्याब्सन आँगन, प्याब्सन विराटनगर’ मुल नाराको साथ उक्त प्रतियोगिता सुरु भएको हो । प्रतियोगितामा कक्षा १० सम्म अध्ययरत विद्यार्थीहरूले भाग लिएका छन् । तीन चरणको अडिसन राउण्ड पुरा गरेपछि प्रतियोगि फाइनलमा पुग्नेछन् । दुवै विधातर्फको सेमिफाइनलसम्म २५÷२५ जना छनौट गरि फाइलनमा १०÷१० जना पुग्नेछन् ।
प्रतियोगिताको विजेताले नगद १५ हजार रुपैयाँ प्राप्त गर्नेछन् । एकल नृत्य र एकल गायन दुवै विधाका विजेताले नगर र ट्रफि प्राप्त गर्नेछन् । उक्त प्रतियोगिताको फाइनल विराटनगर साउन २४ गते हुनेछ । यसैबीच कार्यक्रमको उदघाटन सत्रमा बोल्दै निजी तथा आवसिय विद्यालय अर्गनाइजेशन (प्याब्सन) का केन्द्रीय अध्यक्ष टिकाराम पुरीले शिप र संस्कारसहित प्रविधिमैत्री शिक्षामा जोड दिनुपर्ने बताएका छन । पुरीले विश्व सामुदायसँग प्रतिस्पर्धा गर्न संस्कारसहितको प्रविधि मैत्री शिक्षामा जोड दिनुपर्ने बताए । कार्यक्रममा प्याब्सनका विराटनगरका अध्यक्ष इन्द्र राई, कार्यक्रम विद्यार्थी भित्रको कला प्रस्फुटनमा सहयोगी हुने बताए ।
