२४ असार, विराटनगर
मोरङको सुन्दरहरैँचा नगरपालिका–१ स्थित कुमार गाँउमा जेठाजुले बुहारीलाई खुकुरी प्रहार गरी गम्भीर घाईते बनाएका छन् । मंगलबार(आज) दिउँसो साढे १ बजेको समयमा ३६ वर्षीय जेठाजु निरबहादुर नेपालले आफ्नै बुहारी २६ बर्षिया सलिना नेपाललाई शरीरको विभिन्न भागमा खुकुरी प्रहार गरी गम्भीर घाईते बनाएका हुन् ।
घाइते भएकी सलिनालाई उद्धार गरी उपचारको लागि बी.पी. कोईराला स्वास्थ्य बिज्ञान प्रतिष्ठान धरान पठाएको छ । त्यस्तै खुकुरी प्रहार गर्ने निरबहादुरलाई ईलाका प्रहरी कार्यालय हरैचाबाट खटिएको प्रहरी टोलीले पक्राउ गरी थप अनुसन्धान गरिरहेको जिल्ला प्रहरी कार्यालय मोरङले जनाएको छ । खुकुरी प्रहारको कारण भने खुल्न सकेको छैन ।
