विराटनगर : केही दिनदेखि आएको बाढीले डुवानमा परेका पीडितहरुले अझै राहत नपाएको बताएका छन् । अविरल वर्षासँगै आएको बाढीले घर डुबानमा परेको बेला हालसम्म दुई पोका चिउरा र भुजामात्र पाएको बताएका छन् ।
विराटनगर महानगरपालिका– १२ का बाढीले डुवानमा परेका पीडितहरुले विगत चारदिनदेखि घरमा पानी पसेर बाहिर बसेपनि राहतको नाममा हालसम्म दुईदिनदेखि भुजा र चिउराको पोका मात्र पाएको बताएका हुन् ।
सो वडाको दरैयाथान चौकको गंगा राजवंशीले दुईदिनदेखि भुजा र चिउरामात्र राहत पाएको बताईन् । उनले अहिलेपनि घरमा पानी बगिरहेकाले घर अगाडि रहेको धामी धमिएन मन्दिरको प्राङ्गणमा बसेको बताईन् ।, यो समाचार आजको उद्घोष दैनिकमा छापिएको छ ।
