४ साउन, सिरहा ।
गोलबजार नगरपालिका कार्यलयकी इन्जिनियर घुससहित रंगेहात पक्राउ परेका छिन् ।
बर्दिबास कार्यालयबाट खटिएको अख्तियार दुरुपयोग अनुसन्धान आयोग टोलीले गोलबजार नगरपालिकाका वार्ड नं. ९ मा बस्ने इन्जिनियर उमा श्रेष्ठ शौचालय निर्माण कार्यक्रमको लागि सेवाग्राहीसँग लिएको ५० हजार रुपैयाँ घुससहित शुक्रबार पक्राउ गरेको हो ।
अख्तियार टोलीले श्रेष्ठलाई घुस रकमसहित गोलबजार नगरपालिका वार्ड नं. ७ पुरानो चोक चोहर्वा रहेको स्थित होटलबाट रङ्गेहात नियन्त्रणमा लिएको अख्तियार दुरुपयोग अनुसन्धान आयोगका हरिप्रसाद घिमिरेले जानकारी दिए ।उनीमाथि थप अनुसन्धान भइरहेको छ ।
