५ साउन, विराटनगर ।
विराटनगर स्थित नोबेल मेडिकल कलेजमा उपचारको क्रममा एक जना विरामीको मृत्यु भएपछि आइतबार दिउँसो अस्पताल परिसर तनाबग्रस्त बनेको छ ।
घुँडाकोे शल्यक्रिया गरेपछि सुनसरीको दुहवी नगरपालिका – ६ का ४७ वर्षिय सुनिल कुमार साहको आइतबार विहान मृत्यु भएको थियो । शुक्रबार चिप्लिएर देब्रे खुट्टामा चोट लागेपछि उपचारका लागि नोबेल अस्पताल पुगेका दुहबीका अनिल साहको उपचारको क्रममा मृत्यु भएको थियो ।
चिकित्सकले उपचारको क्रममा लापरबाही गरेको भन्दै मृतकका आफन्तहरू आन्दोलनमा उत्रिएका छन् । लापारबाही गर्ने चिकित्सकलाई कारवाहीको माग राख्दै उनीहरूले अस्पताल अगाडी नाराबाजी गरेका छन् ।
घरबाट मोटरसाइकल निकाल्ने क्रममा गत बिहीबार साहको घुँडामा चोट लागेको थियो । सोही दिन घुँडामा लागेको चोटको नोबेलमा उपचारपछि घर फर्किएका थिए । साह शुक्रबार फलोअपमा नोबेल अस्पताल आएका थिए । हाडजोर्नी तथा नशा रोग विशेषयज्ञ डा. धिरज सिंहले शल्यक्रिया गरिनुपर्ने बताएपछि उनको टिमले साहको शल्यक्रिया गरेको थियो ।
शनिबार शल्यक्रिया भएपनि त्यसदिन भेटन नदिइएको मृतकका भाई प्रदिप साहले बताएका छन । उनले आइतबार विहान मृत्यु भइसकेको खबर सुन्दा आफूहरुको होस उडेको बताए । घरबाट मोटसाइकल चलाएर आएको मान्छे, चिकित्सकले मृत घोषणा गरेपछि स्थानीय आन्दोलित भएका छन् । उनीहरुले उपचारमा लापरबाही गर्ने चिकित्सवलाई कडा कारवाहीको माग राखेका छन् । नोबेल अस्पतालले भने उपचारको क्रममा विरामीको मृत्यु भएको भन्दै अस्पतालले कुनै पनि लापार्बाही नगरेको दाबी गरेको छ ।
