७ साउन, विराटनगर ।
विराटनगर–३ स्थित गोग्राहा चोकमा एम्बुलेन्सको ठक्करबाट एक महिलाको मृत्यु भएको छ ।
मंगलबार बिहान करिब साढे ६ बजेको समयमा गोग्राहा चोकस्थित कोशी राजमार्गमा उत्तरबाट दक्षिण तर्फ आउदै गरेको धनुषा नेश्नल पोली क्लिनिक बिरेन्द्रबजार धनुषाको ज १ च ११९५ नम्बरकोे एम्बुलेन्सले पैदल यात्री सप्तरीको राजविराज–६ की ५५ वर्षीया उर्मिला देवी झा लाई ठक्कर दिएको थियो ।
ठक्करबाट घाईते भएकी झालाई उपचारको लागि न्युरो अस्पताल बिराटनगर लगिएकोमा उपचारको क्रममा साढे सात बजे मृत्यु भएको जिल्ला प्रहरी कार्यालय मोरङले जनाएको छ ।
ठक्कर दिने एम्बुलेन्स र एम्बुलेन्स चालक धनुषा बिरेन्द्रबजार–१ बस्ने २२ वर्षीय दिप कुमार मुखियालाई नियन्त्रणमा लिई थप अनुसन्धान भईरहेको जनाईएको छ ।
