७ साउन, हेटौंडा ।
पूर्वपश्चिम राजमार्गअन्तर्गत हेटौंडा उपमहानगरपालिका –१५ रातोमाटेमा भएको सवारीसाधन दुर्घटनामा दुई जनाको मृत्यु भएको छ । दुर्घटनामा परी पाँचजना घाइते भएका छन् ।
हेटौंडातर्फ आउँदै गरेको एनएल०१डी ८०३१ नम्वरको भारतीय ट्रक (लहरी)ले ना१ह ८८२४ नम्बरको अटो र बा६६प ६२१३ नम्बरको मोटरसाइकललाई ठक्कर दिदा दुर्घटना भएको मकवानपुर प्रहरीले जनाएको छ ।
दुर्घटनामा अटो चालक बसामाडी घरभइ हेटौंडा–९ बस्ने सुजन ढकाल र मोटरसाइकल चालकको घटनास्थलमै मृत्यु भएको मकवानपुरका प्रहरी प्रमुख एसपी मुकेशकुमार सिंहले जानकारी दिए ।
दुर्घटनामा घाइते ५ जनाको हेटौंडा अस्पतालमा उपचार भइरहेको छ । लहरीले ना ५ख ३१४१, ना५ख ५११३ नम्बरको बस र ना१ज ७७८६ नम्बरको सुमोलाईसमेत उक्त लहरीले ठक्कर दिएको र त्यसबारे थप अनुसन्धान भइरहेको प्रहरीले जनाएको छ ।
