साउन १६, विराटनगर । लामो समयदेखि विरामी भएर थलिएकी विराटनगर १० निवासी प्रियंका देवान राईलाई उपचार खर्च स्वरुप सहयोग रकम जुटेको छ ।
राई विगत लामो समयदेखि ‘सिस्टमेटीक लुपस इरीथेमाटोसस्’ रोगका कारण थलिएकी छन् । उनको अहिले भारतको भ्यालोर स्थित सिएमसी अस्पतालमा उपचार भइरहेको छ ।
हाल अमेरिकाको कोलोराडोमा बस्ने विराटनगर ८ निवासी गुरु मुकेश ढुङगाना र सुशील दाहालले राईलाई उपचार खर्च स्वरुप ४० हजार रुपैया सहयोग गरेका छन् । सो रकम मुकेश ढुङगानाका बुवा गुरु ढुङगानाले विरामीलाई हस्तान्तरण गरेका हुन् ।
उपचारका लागि लाखौ रुपैया लाग्ने भएकाले परिवारको कमजोर आथिृक अवस्थाका कारण उनलाई अझै सहयोगको आवश्यक्ता परेकाले परिवारजनले सवैमा सहयोगको याचना गरिरहेका छन् ।
कसैले सहयोग गर्न चाहेमा सहयोग रकम राई कै नाममा रहेको एनएमबी बैंक विराटनगर शाखाको खाता नं. ००८००९०२५८३०००१२ मा जम्मा गर्न सकिनेछ ।
