भारत । विभिन्न ठाउँमा कहिलेकाँही निकै रोचक घटनाहरु घट्ने गर्दछ । यस्तै हालै भारतमा पनि एक रोचक घटना भएको छ ।
भारतमा विद्युतका एक कर्मचारीले ट्राफिक प्रहरीले आफूलाई जरिवाना तिराएको भन्दै ट्राफिक प्रहरी कार्यालयको विद्युत काटिदिएका हुन् । फिरोजाबादका विद्युत प्राधिकरणका कर्मचारी श्रीनिभासलाई हेलमेट नलाएका कारण प्रहरीले जरिवानामा पारेको थियो ।
उनलाई बाइक चलाउँदा हेलमेट नलाएका कारण ५ सय जरिवाना गरिएको भारतीय सञ्चार माध्यमहरुले उल्लेख गरेका छन् । उनले त्यसकै बदलामा स्वरुप ट्राफिक प्रहरी कार्यालयको विजुली नै काटिदिएका हुन् ।
श्रीनिभासलाई विद्युत प्राधिकरणका कर्मचारीलाई ट्राफिक कार्यालयका सब–इन्स्पेक्टर रमेशचन्द्रले हेलमेट नलगाएकाले जरिवाना काटेका थिए । उनले अनेक विन्ति गर्दासमेत प्रहरीले उनको कुरा सुनेन र ५ सय रुपैया जरिवाना गरायो ।
प्रहरीले नियम तोडेकाले जरिवाना गरायो र ट्राफिक नियमको बरेमा पाठ सिकायो । त्यसपछि श्रीनिभास सरासर कार्यालय गए अनि उनले ट्राफिक प्रहरी कार्यालयको हिसाब हेरे । कार्यालयले धेरै महिनाको पैसा तिर्न बाँकी रहेछ । त्यसपछि श्रीनिभासले ट्राफिक प्रहरी कार्यालयको विजुली काटिदिए।
प्रहरी अधिकारीहरुले किन विजुली काटेको भनेर सोध्दा श्रीनिभासले समेत प्रहरी कार्यालयले तिर्नुपर्ने बिल समयमा नतिरेर नियम तोडेकाले आफूहरु विजुली काट्न बाध्य भएको भन्दै आफुले पनि विद्युत प्राधिकरणको नियकहरु सिकाए ।
