साउन २७, विराटनगर । हिन्दु धर्मावलम्बीले अत्यन्त भक्तिभावका साथमनाउने झुलन पर्व सुरु भएको छ ।
यो पर्वमा भगवान सताराम र श्रीराधाकृष्णको युगलजोडीलाई पिङ अर्थात झुलामा राखेर झुलाईनुका साथै भब्य धार्मिक कार्यक्रमहरु आयोजना गर्ने गरिन्छ । झुलाको अवसरमा विराटनगरक्षेत्रका भगवान सिताराम र राधाकृष्णका मन्दिरहरु सिंगारिएका छन ।
सो अवसरमाविराटनगर १ पोखरीयास्थित राधाकृष्ण मन्दिरमा श्रद्धालुको भीड लागेको छ । प्रत्येकबर्ष झुलापर्व हुने ५ दिन सांझपख सो मन्दिरमाश्रद्धालुको उल्लेख्य भीड लाग्ने गरेको छ ।
मन्दिरले स्थापनाकालदेखि नै झुलापर्वको आयोजनागर्दै आएको मन्दिरकामुख्यपुजारी गोपालप्रसाद पौडेलले जानकारी दिए । उनले कंशको अत्याचार बढेपछि भक्तजनले भगवान कृष्णको पुकार गरेको र उनले जन्मलिने सुनिश्चित भएपछि खुशियालीमाभगवानको प्रतिमालाई झुलामा राखेर झुलाउने प्रचलन शुरु भएको कथन रहेको बताए ।
साउन शुक्ल एकादशीबाट शुरु हुने झुला ५ दिनसम्म धुमधामका साथमनाएर जनै पुर्णिमाका दिन समापन हुन्छ । झुलनोत्सवको अवसरमा मन्दिरले भजनकिर्तन सहित विविध प्रकारका धार्मिक कार्यक्रमहरुको आयोजना समेत गर्दै आएको जनाइएको छ ।
