१० भदौ, एजेन्सी ।
अमेरिकी टेनिस खेलाडी सेरेना विलियम्सले युएस ओपन टेनिसमा राम्रो सुरुवात गरेकी छन् । मंगलबार बिहान भएको पहिलो चरणको खेलमा शानदार जित निकाल्दै सेरेनाले दोस्रो चरणमा स्थान बनाएकी हुन् ।
न्युयोर्कमा भएको खेलमा उनले रुसी खेलाडी मारिया शारापोभालाई ६–१ र ६–१ को सेटमा पराजित गरेकी हुन् । ३७ वर्षकी सेरेनाले मात्रै ५९ मिनेटको खेलमा जित निकालेकी हुन् ।
एक वर्षअघि युएस ओपनको फाइनलमा अम्पायरलाई धाँधली गरेको तथा झुठ रहेको आरोप लगाएर विवादमा मुछिएकी सेरेनाको यस पटक रुसी शारापोभालाई पराजित गर्ने क्रममा ‘मुड’ फरक देखिन्थ्यो ।
आठौँ बरियताकी सेरेना कीर्तिमानमा बराबरी गर्ने २४ औँ ग्राण्डसलाम उपाधिको पर्खाईमा छन् ।
