१८ भदौ, काठमाडौं ।
बुधबार विहानै सीता एयरको आकासमै इन्जिन फेल भयो । जहाजको इन्जिन फेलभए पनि त्रिभुवन विमानस्थलमा सुरक्षित अवतरण भएको छ ।
लुक्लाबाट काठमाडौँका लागि उडेको सीता एयरको ९ एन–एजेएच जहाजको एक इन्जिन आकासमै फेल भएको थियो । तर चालकले सुरक्षित अवतरण गराउन सफल भएको त्रिभुवन विमानस्थलका महाप्रबन्धक राजकुमार क्षेत्रीले जानकारी दिए ।
सीता एयरका वरिष्ठ महाप्रबन्धक घनश्याम आचार्यले चालक दलका सदस्य र जहाज सुरक्षित रहेको ट्विटमार्फत जानकारी गराएका छन् । उनका अनुसार जहाजमा यात्रु भने थिएनन् ।
