१९ भदौ, काठमाडौं ।
नेपाल ओलम्पिक कमिटीको कार्यसमिति निर्वाचन स्थगित भएको छ ।
मंगलबार सर्वोच्च अदालतले कमिटीको निर्वाचन रोक्न अन्तरिम आदेश दिएको थियो । सोही आदेशअनुसार शुक्रबार हुने भनिएको ओलम्पिक कमिटीको निर्वाचन स्थगित भएको हो ।
नेपाल ओलम्पिक कमिटीले विहीबार प्रेस विज्ञप्ति निकाल्दै भदौ २० गते हुने भनिएको निर्वाचन स्थगित गरिएको जानकारी दिएको छ । कमिटीले निर्वाचन कमिटीले अर्को सूचना जारी नभएसम्म निर्वाचन स्थगित गरिएको बताएको छ ।
निर्वाचन रोक्न माग गर्दै नेपाल ओलम्पिक कमिटीका सदस्य कमल बहादुर चित्रकारले हालेको रिटमा सुनुवाई गर्दै सर्वोच्च अदालतले निर्वाचन रोक्न अन्तरिम आदेश दिएको थियो ।
