२२ भदौ, काठमाडौं । न्यूरो कार्डियो एण्ड मल्टिस्पेसियालिटि हस्पिटल विराटनगर र राउण्ड टेबल नेपालबीच हस्पिटलले प्रदानगर्ने विभिन्न सेवा तथा सुविधाहरुमा दिइने छुट सम्बन्धी समझौता पत्रमा हस्ताक्षर भएको छ ।
स्थानीय रत्नहोटलमा आयोजित एक कार्यक्रममा सो सम्झौता भएको हो । सम्झौतापत्रमा न्यूरो हस्पिटलका अपरेशनल डाइरेक्टर राजेश भटट्राई र राउण्ड टेबल नेपालका अध्यक्ष सौरभ केडियाले समझदारी पत्रमा हस्ताक्षर गरे ।
सम्झौताअनुसार न्यूरो हस्पिटलमा उपचार गराँउदा नेपाल भरिका राउण्ड टेबलका पदाधिकारी र सदस्यहरु तथा उनका आश्रित परिवारले २० प्रतिशत सम्म छुट पाउने भएका छन् ।
बिराटनगर राउण्ड टेबल ५ का अध्यक्ष अश्विनि बंसलको सहकार्यमा सो सम्झौता भएको हो । सो अवसरमा हस्पिटलका अपरेश्नल डाइरेक्टर राजेश भटट्राईले स्वदेशमै गुणस्तरिय उपचारमा सहुलियत दिने उद्देश्यले दुईपक्षीय सम्झौता गरेको बताए ।
यस्तै राउण्ड टेबल नेपालका अध्यक्ष सौरभ केडियाले पछिल्लो समय भारतका चर्चित अस्पतालहरुमा हुने न्यूरो सर्जरी , मुटु सम्बन्धी उपचार नेपालकै हस्पिटलमा हुदै आएको सुन्दा गौरववान्वित भएको बताए । उनले न्यूरो हस्पिटलले उपचारका लागि प्रदान गरेको छुट प्रतिआभार प्रकट गरे ।
हस्पिटलले यस अघि पनि बिराटनगरको ग्लोबल आई एम ई बैंक , सनराइज बैंक , नेपाल पत्रकार महासंघ लगायतका दर्जर्नौ संघ संस्थामा आवद्ध सदस्य तथा कर्मचारीहरुलाई छुट सहितको स्वस्थ्य सेवा प्रदानगर्दै आएको छ ।
