२५ भदौ, एजेन्सी । युरोकप फुटबल छनौटका खेलहरुमा इंग्ल्याण्ड, पोर्चुगल, फ्रान्स र टर्की विजयी भएका छन् ।
गएराति भएको समुह ‘ए’ को खेलमा इंग्ल्याण्डले कोसोभोलाई ५–३ गोल अन्तरले हराउँदा चेक रिपब्लिकले मोन्टेनेग्रोमाथि ३–० गोलको जित निकाल्यो ।
यस्तै, समुह ‘बि’ को खेलमा पोर्चुगलले लिथुआनियालाई ५–१ गोलले हरायो । उसका लागि क्रिश्चियानो रोनाल्डोले ४ गोल गरे । यही समुहको अर्को खेलमा सर्वियाले लक्जेम्बर्गलाई ३–१ गोलले पराजित गर्यो ।
समुह ‘एच’ को खेलमा फ्रान्सले एन्डोरालाई ३–० ले हराउँदा टर्कीले माल्दोभामाथि ४–० को तथा अल्बानियाले आईसल्याण्डमाथि ४–२ को जित निकाल्यो ।
