काठमाडौं, फागुन ५
महानगरीय प्रहरी परिसर काठमाडौका प्रमुख, प्रहरी वरिष्ठ उपरीक्षक विश्वराज पोखरेलले राज्यलाई ठग्ने र गलत काम गर्ने विरुद्ध निर्दयीपूर्वक प्रस्तुत हुने चेतावनी दिएका छन् ।
काठमाण्डौको सोह्खुट्टेमा आज आयोजित कार्यक्रममा महानगरीय प्रहरी परिसर काठमाडौका प्रमुख पोखरेले गलत काम गर्ने विरुद्ध निर्दयीपूर्वक प्रस्तुत हुने बताएका हुन् ।
शान्ति सुरक्षा र सुशासन, जनमैत्री प्रहरी र प्रशासन भन्ने नारा सहित संचालित प्रहरी हाम्रो टोलमा कार्यक्रममा उपस्थितले प्रहरी प्रशासन निष्पक्ष नभएको र पहँुचवालाको मात्रै कुरा सुन्ने गरेको गुनासो गरेपछि पोखरेलले अधिकारक्षेत्र भित्र पर्ने विषयमा निष्पक्ष, इमान्दार र निर्दयीपूर्वक प्रस्तुत हुने स्पष्ट पारेका हुन् ।
प्रहरी प्रमुख, महानगरीय प्रहरी परिसर, काठमाडौ
उहाँले प्रहरी प्रशासन र जनप्रतिनिधि इमान्दार र भ्रष्टाचारमुक्त भए मात्रै बास्तवमा सर्वसाधारण जनताले परिर्वतनको महसुस गर्न सक्ने उल्लेख गरे ।
